Ба гузориши хабаргузории Абна, Турки ал-Файсал раиси собиқи хадамоти иттилоотии Арабистон таъкид кард: "Додгоҳи байналмилалии ҷиноӣ ба дастгирии аз ҷониби аъзои худ ниёз дорад, зеро воситаҳои иҷроии муассир дар ихтиёр надорад".
Ӯ дар посух ба ин савол, ки оё Додгоҳи байналмилалии ҷиноӣ барои зери пайгирӣ қарор додани Бинёмин Нетаняҳу нахуствазири режими сионистӣ ба қадри кофӣ амал кардааст ё не, гуфт: "Додгоҳи байналмилалии ҷиноӣ наметавонад барои зери пайгирӣ қарор додани афроде, ки онҳоро гунаҳкор медонад, нерӯ фиристад".
Ал-Файсал барои шарҳи ин суханони худ ба тарзи муносибати Амрико бо Додгоҳи байналмилалии ҷиноӣ ва дигар ниҳодҳо низ ишора кард.
Ӯ дар посух ба саволе дар хусуси ин ки ниятҳои хуб дар Додгоҳи байналмилалии ҷиноӣ ва Созмони Милали Муттаҳид вуҷуд дорад, вале дар ниҳоят ҳеҷ амали амалӣ анҷом дода намешавад, гуфт: "Албатта, бале, ба ҳамин далел ман танҳо касе нестам, ки хоҳони ислоҳи сохтори Созмони Милали Муттаҳид ба шумор меравам".
Қобили зикр аст, ки бо вуҷуди содир шудани ҳукми ҳабси Нетаняҳу, вай озодона тавассути фазои ҳавоии кишварҳое монанди Юнон, Итолиё ва Фаронса ба Амрико сафар кардааст.
Your Comment